Новую книгу казахстанского писателя, переводчика, литературоведа Герольда Бельгера составляет цикл этюдов о переводах выдающегося казахского поэта Ильяса Джансугурова на казахский язык произведений русских и зарубежных классиков. Книга рассчитана на внимание филологов, переводчиков, переводоведов, любителей изящной словесности.

 2008 жылы Абайдың ақындық мектебінің бас шәкірті, ғұлама, ойшыл ақын Шәкәрім қажы Құдайбердіұлының туғанына 150 жыл толды. Соған орай жазылған бұл кітапта кезінде жолсыз жазаға ұшыраған ақын өмірі мен шығармашылығы нақты деректермен баяндалған. Қалың көпшілікке арналған танымдық сипаттағы бұл кітап өз оқырманын табады деп ойлаймыз.

 Бұл жинаққа творчестволық өмір жолы жұртшылыққа әлі толықтай таныла қоймаған қазақтың көрнекті философ ақыны, ғалым әрі композитор Шәкәрім Құдайбердиевтің тұңғыш рет жиналып, нотаға түсірілген 16 әні енді. Сонымен қатар, композитор шығармаларының Алматы мемлекеттік консерввториясынын фольклорлық лабораториясы қорынан алынған ңұсқалары да беріліп отыр.
Шәкәрім — Абайдың кайталанбас ән дәстүрін жалғастырып қана қоймай, оны ары қарай дамытқан талантты композитор. Оның әсем сазға толы сан қырлы тамаша әндерінен адамдық болмысы, өмірге көзқарасы, асқақ арманы айқын көрінеді.
Кітап ән сүйер қауымға арналады.

 Қалың жұрт көп жыл көз жазып қалған әйгілі ақынның бұл шығармалар жинағына әр жылда жазылған өлеңдерімен қатар «Қорқыт», «Батыр Баян», «Жүсіп хан» секілді поэмалары және «Шолпанның күнәсі» әңгімесі, сондай-ақ аудармалары, мақалалары топтастырылды.

 Сыншы Айқын Нұрқатов аударма өнерімен де айналысқан. Автордың 5-ші томына ол тәржімалаған Ш.Айтматовтың «Сыпайшы», Венгер жазушылары Шандор Гергель, Иштван Корцаг, Петер Вереш, Лайот Мештархази, Имре Варга, Иштван Надь, Дьердь Дери, Ференц Каринти, Пал Сабо әңгімелері және Н.Венгров пен М.Эфростың «Дмитрий Фурманов» атты романы еңгізілді. Шығармалар көркем тілмен аударылған. Аудармалар жеңіл әрі қызғылықты оқылады.
Кітап көпшілік оқырманға арналады.

 Ғалым-сыншы Айқын Нұрқатов шығармаларының төртінші томына қазақ ақын-жазушыларының шығармаларын жан-жақты терең талдаған әдеби зерттеулері мен мақалалары берілді. Сондай-ақ аударма еаласындағы еңбектері де ұсынылды.
Кітап әдебиет зерттеуші ғалымдарға, ізденушілерге, студенттерге арналған.

 Белгілі сыншы, әдебиеттанушы Айқын Нұрқатовтың шығармаларының 3-томына автордың қазақтан шыққан алғашқы ғұлама ғалым Ш. Уәлиханов, ұлы Абай, ұлы Әуезов шығармашылығына жасаған талдау мақалалары, көрші өзбек халқының біртуар ақыны Ғафур Ғұләм, орыс жазушысы Н. Островский туындыларына байланысты ой-пікірлері жинақталып ұсынылып отыр. Сондай-ақ оқырман қауым сыншының Ә.Әбішев. Қ.Жұмалиев, И. Байзақов, Қ.Нұрмаханов туралы жазған сараптама мақалаларын оқи алады.
Кітап әдебиет зерттеуші ғалымдарға, ізденушілерге, студенттерге арналған.

 Ғалым-сыншы Айқын Нұрқатовтың шығармаларының 2 томына бір шоғыр әдеби зерттеулері берілді. Мұндағы ұлы Абай мен жыр алыбы Жамбыл поэзиясын талдай тарқатқан пайымды толғамдары, сондай-ақ ақын Ақан сері өлеңдері, қазақтын белгілі қаламгерлері С.Мұқанов, Ғ. Мұстафин, Т. Ахтанов, Ә. Нұрпейісов, Х.Бекқожин, И.Байзақов, Т.Жароков, Ж.Саин, Д.Әбілев, З.Шашкин шығармаларының қалың қатпарларына терең бойлай әрі сараптай таразылаған зерделеу еңбектері енді.

 Қазақ әдебиетінің аса көрнекті өкілі, әдебиет зерттеушісі, айтулы сыншы-ғалым Айқын Нұрқатовтын әдеби мұрасы өте бай да құнарлы.
Оның әдебиет жайындағы көптеген іргелі ізденістері, әдеби-мәдени және тарихи деректер негізінде өріліп, ғылыми-теориялық тұжырымдарды тереңдей тарқатқан зерттеулері өрімі келіскен, өрісі биік еңбек болып табылады. Соған орай автордың шығармаларының бірінші томына «Абайдың ақындық дәстүрі» атты зерттеу еңбегі берілді.
Кітап сөз өнерін құрметтеуші оқырмандарға арналады.

Ұсынылып отырған еңбек халқымыздын аса көрнекті ақыны Мағжан Жұмабаев шығармаларының толық күйіндегі үш томдығының бірінші кітабы, Бұған ақынның өлеңдері, оның ішінде жаңадан табылғандары да енгізілді, Белгілі себептермен әртүрлі жөндеулерге ұшырағанлары төл нұсқаларымен салыстырылп, алғашқы қалпына келтірілді.

 Үш томдық етіп шығару жоспарланған М. Жұмабаев шығармаларының екінші және үшінші томдарын біріктіріп шығаруға тура келді. Екінші томға ақынның поэмалары, толғаулары аудармалары «Шолпанның күнәсі» атты әңгімесі, ал үшінші томға 1922 жылы алғаш рет Орынборда жарық көрген «Педагогика» атты ғылыми еңбегі мен мақалалары, сонымен бірге Мағжан шығармашылығын оқырмандарға кеңірек таныстыру мақсатымен оның 100 жылдық мерей тойына дейін ақын мұрасы туралы әр кезде жарық көрген әдебиетші-қаламгерлердің біраз сын-зерттеу мақалалары қосымша ұсынылды. Екінші және үшінші томға қажетті түсініктер әр томның сонында жеке-жеке берілді.
Еңбек студент жастарға, сондай-ақ қалың көпшілікке арналған.

 Мұқабасы тозса да, мазмұны тозбас бұл кітапқа қазақ әдебиетінің көрнекті өкілі, сыршыл ақын Мағжан Жұмабаевтың өлеңдері мен поэмалары еніп отыр.
Иіні ерен, иірімі терең өткелек өмірдің өзек өртер кермек жас мұңы да, терең ой сыры да ақын өлеңдерінің өзегі мен өрнегіне айналған.
Кітап қазақтың қара өлеңін қадірлей білетін қалың жұртшылыққа арналған.

 Көкшелік қаламгер, сатирик жазушы, Қазақстанның құрметті журналисі Сайлау Көшкенұлының бұл жинағы топтастырылып екінші қайтара жарық көріп отыр. Автордың әр жылдары жазған дүниелері қалың оқырман қауымының көңілінен шығатындығына сенімдіміз.

 Журналист - жазушы Жарасбай Сүлейменовтің бұл кітабына төртінші сайланған Қазақстан Республикасы Парламенті Мәжілісінің депутаты болған кезде жазған мақалалары мен түрлі басылымдардың тілшілеріне берген сұхбаттары, Үкіметке жолдаған депутаттық сауалдары, алқалы жиындарда сөйлеген сөздері топтастырылған. Зейінді оқырманның қозғайтын мәселесі, көтеретін жүгі әртүрлі осы дүниелерге зер сала отырып, азаматтың келбетін, болмыс - бітімін, өмірлік ұстанымын аңғарары анық.

 Мөртай Қосшығұлов — заң қызметкері. Ол өзінің мамандығымеи қатар жазу өнерімен де айналысып жүр. Мөртай оқырмандар қауымына «Жазушы» баспасынан жарық көрген «Кім кінәлі?» атты жинағымен таныс.
«Шындық сыры» автордың екінші кітабы. Жинақтағы очерктердің оқиғасы бала тәрбиесіне байланысты өрбиді. Сонымен қабат «Шындық сырында» ата-ананың семьядағы ролі мен міндеті де мол камтылған.