Ұлы ақын, көрнекті ағартушы Мағжанның бұл кітабы қазақ тілінде жарық көрген тұңғыш іргелі педагогикалық ғылыми еңбек әрі сындарлы төлтума оқулық болып табылады. Кітап араб әрпінде 1923 жылы «Түркістан басмасөз махкамасы» шығарған 2-басылымы бойынша әзірленді. Қазіргі қазақ терминологиясында басқаша алынып жүрген атау, ұғымдар мен жекелеген сөз мәндерінің төркіні анықталып, түсініктемелер берілді. Текстің, сөз қалып қойған, қате басылған немесе мағынасы екіұшты тұстарына сілтеме жасалғаны болмаса, кітаптың "Пидагогика" деген әуелдегі атынан бастап, авторлық жазу емлесіне дейін өз калпында сақталды.
Кітап педагогика институттары мен училищелерінің шәкірттеріне, мұғалімдер мен тәрбиешілерге, ата-аналарға арналған.