Актер, кинорежиссер, журналист Аяған Қуандықұлы Шәжімбай, егер тірі болса, асқаралы алпысына келер еді. Әйгілі «АЛЖИР. Біз куәміз» деректі-публицистикалық фильмі, «Жансебіл» көркем фильмі мен толып жатқан киноленталарының сыртында көрермендер қауымы тамсанып тамашалайтын талай туындыларды экрандайтыны күмәнсіз еді... Қолыңыздағы сыршыл сағынышқа толы естелік кітап көптеген халықаралық кинофесивальдарда жүлдегер атанған азаматтың былайғы ел біле бермейтін қырларын алдыңызға тартады. Сондай-ақ, бұл жинаққа фотосуреттермен бірге белгілі жазушы Ж. Қорғасбектегімен бірлесіп жазған «Қаскыр адам» көркем фильмінің режиссерлық сценарийі де енгізіліп отыр. Кітап көпшілік оқырмандарға арналған.