Мерзімдік баспасөз беттерінде жарияланып жүрген өлендері, мақалалары мен естелік әңгімелері арқылы жақсы таныс болған ішкі істер органдарының ардагері, милиция полковнигі Қобылан Хамзиннің бұл кітабы өзімен жерлес, көзі көріп, аралас-құралас болған, есімдері елге танымал тұлғалар туралы. Бұған дейін ақын Ахметжан Нұртазиннің жырмен жазған шежіресін, өзінің "Көктерек" атты естеліктер мен әңгімелер жинағын шығарған каламгердің үшінші кітабы негізінен қоғам қайраткері, заманының ірі тұлғасы болған Мәркен Ахметбеков, ақын Ахметжан Нұртазин, жазушы-педагог Ермек Қонарбаев туралы естеліктер мен мақалалар, өлең-жырлар, сондай-ақ соңғы екеуінің елге бұрын онша танымал болмаған туындыларын топтастырған. Кітап көпшілік оқырман қауымға арналған.