«Аңызды ауыл - Айсары» тарихи-ғұмырнамалық жинақ. 1961 жылдан Айсары елінің 50 жылғы тарихын шолып жазған алғашқы көңіл толқытарлық , жүрекжарды туынды. Дөңгеленген дүниеде ерен еңбегімен ел құрметіне бөленген аталар мен аналардың, жалғасқан жас ұрпақтың өмірдеректерін баяндап, ел тарихын еске саларлық естелік жинақ. Айсары елінде өмір кешкен, кешіп те жүрген адамдар тарихынан сыр шертеді. Туған әке, аяулы ана, ағайын-туыс бауырлар мен қадірлі көрші, қимас дос, еңбек жолында иықтас болған жандар жайлы құнды шежіре. Кітаптың жылдардан жылдар өте ел тарихын жалғастырып жазатындар мен болашақ ұрпақтың рухани кәдесіне жарайтындығына кәміл сенемін.