Небір тар жол, тайғақ кешулерден өтіп, мың өліп, мың тірілген кқазақ халқының тарихында сарқылмас қажыр-қайратымен, өзіндік дәстүр-салтымен, туған еліне, ұлтына деген шынайы махаббатымен дараланған, жүріп өткен жолы кейінгілерге үлгі ретінде ұсынуға лайық әулеттер болған. Солардың қатарында Барлыбай Шәукерұлының ұрпақтарын да атауға болады. Патша заманында бір әулеттен шыққан Тәбей, Итемір, Қожахмет, Тәшмұхамед, Күзембай, Әлти, Сәдуақас, Сейітахмет Барлыбаевтар ел билеп, халқына қамкоршы бола білсе, олардың кейінгі ұрпақтары да биліктің барлық буындарында іскерліктерімен танылып, халық құрметіне бөленді. Бүгін қолдарыңызға тиіп отырған туған еліміздің ұшан-теңіз тарихының бір тамшысындай ғана бұл кітапқа ұрпақтар ісіндегі сабақтастық алтын арқау болып өрілген. Кітап көпшілік қауымға арналған.