Сандаған ғасырлық жыраулық поэзияның өнеге — үлгісімен өмірге келген — ақындық дәстүрдің төлбасы, көшбасы болып танылатын Шал ақын Құлекеұлы творчествосы — қазақ поэзиясының жарқын да жаңа беттерінің бірі болып есептеледі. Өткен жылы туға-нына 250 жыл толған арқалы ақын, адуын таланттың тұңғыш рет өз атымен шығарылып отырған бұл жинағына әртүрлі басылымдарда жарық көрген, сондай-ақ, осы күнге дейін оқырман кауымға мәлім емес шығармалары толықтай еніп отыр. Сонымен бірге Шал Ққлекеұлының 250 жылдағы құрметіне өткізілген халықаралық ғылыми конференцияның материалдары мен ақынның өмірі мен творчествосы жайлы әркездерде жазылған белгілі ғалымдардың еңбектері де тұтасымен бұл жолы осы жинаққа топтастырылды. Кітап көпшілік оқырманға арналған.