Қазақтың көрнекті ақыны, белгілі мемлекет кайраткері, халықаралық Қ.И. Сәтбаев қорының құрметті президенті, Солтүстік Қазақстан облысының, және Сәтбаев, Жезқазған, Көкшетау қалаларының Құрметті азаматы Кәкімбек Салықовтың бұл жинағында еліміздің ұлтжанды азаматы, «Құрмет» орденінің иегері, Тәуелсіздіктің қазанат қайраткері, әмбебап туған мырза мейір, парасатты тұлға Қуат Есімхановқа арнаған поэзиялық ұшқыр туындылары беріліп отыр. Академик Манаш Қозыбаев пен Қуат Есімхановтың, Ермак қаласын Ақсу атандыруға сіңірген еңбектері кітаптың тұла бойында толқындап жатыр. Ақиық ақынның қанатты жырларының ел жүрегіне «Жезкиіктей» жүйткіп жетеріне кәміл сенеміз, өйткені автор бейнелеп отырған азаматтың, өмірі ұрпаққа үлгі болады деп білеміз.