Жазушы. Қазақстан Журналистер Одағының мүшесі Қобылан қажы Хамзаұлының баспадан шыққан бірнеше кітаптары қолымызда бар. Ұйыған көңілмен оқып, мән-мағыналарын ойға тоқып, ерекше риза болып журеміз. Жазушының ақындық туындыларымен де жақсы таныспыз. Өлең кітаптары нағыз ақындық шеберліктің туындылары деп қабылдаймыз Өлеңдері алуан түрлі өмір тақырыптарына арналған. Әсіресе елге, жөрге, елдің азаматтарына арналып жазылған шығармалары оқырманға ой тудыратын, әсерлі екенін атағанымыз орынды. Қолымыздағы «Қияда самғаған қырандар» атты еңбегі осы ойымыздың айғағындай терең мағыналы шығарма. Кітапта еліміздің біртуар азаматтарына арналған толғаулар топталған екен Әрқайсысының әрлі суретіндей, бейнесін, жан дүниесін жарқырата ашып түрған туындылар. Кітап сонысымен құнды, үлгілі, өнегелі еңбек.