Жыр сүйер қауымға жүрекке жылы тиетін сыршыл да сезімді өлеңдерімен танылған қызылжарлық ақын Тоқтар Зікірин «Тіршілік тынысы» атты кезекті жыр жинағын ұсынып отыр. Қаламгердің осы кітабындағы туындыларында өмірдің өзекті мәселелері кеңінен қамтылып, жан ауыртар ауыл жағдайына жеке тарау арналған. Сол сияқты, ақынның жаңа жыр жинағына жастық сағынышын, естен кетпес өткен күндер елестерін, табиғаттың тәңірлігін сездіретін өлеңдері мен толғаулы тебіреністері енген.