Бұл жинаққа қазақтың көрнекті ақыны, Қазақстанның еңбек сіңірген қайраткері Кәкімбек Салықовтың негізінен Түркістанның 2000 жылдық тойына арналған, қарақалпақ елінде және Ыстықкөл жағасында жазылған өлеңдері мен поэмалары енгізіліп отыр. «Тәннің тілі» атты философиялық ырғақтағы поэмасы оқушы қауымды елең еткізген туынды. Арал алатына қарсы күреске белсене қатынасқан қайраткердің жан толғанысы «Қарақалпақ» атты поэмада шын тебіреніспен әсерлі де әдемі берілген. Шығармалар жинағында бесінші том болып тұрған бұл кітап - шоқтығы биік дүние. Оқушы қауым нәзік лирикаға сусындайды деп сенеміз.