Жазушы, ғалым, филологня ғылымдарының докторы, профессор Нығмет Ғабдуллиннің тұңғыш әңгімелер жинағы («Менің достарым») 1952 жылы жарияланды. Содан бергі жылдар ішінде оның «Жігер» романы, «Алғашқы сапар», «Белгілер, іздер», «Кестелі орамал», «Айығу», «Сарғайған жапырақ», «Өмір, қымбатсың маған», т. б. повестері мен әңгімелер жинақтары жарық көрді. Жазушының «Біздің жігіт» атты жаңа романы бүгінгі интеллигенция өміріне арналған. Шығарма оқиғасы жаңашыл ой мен кертартпа көзқарастың, ғылымның қиын жолындағы ерлік пен ездіктің, адалдық пен арамдықтың күрес-тартысы негізінде өрістейді.