Бұл сөздік — қазіргі қазақ тілінің бүкіл сөз байлырын, оның лексико-семантикалық, грамматикалық (морфологиялық, синтаксистік) үлгілері мен стильдік өрнектерін мүмкін қадерінше толық қамтитын қазақ тілінің көп томдық түсіндірме сөздігінің бірінші томы. Мұнда әрбір атау сөз (реестр сөз) алфавит ретімен беріліп, ол сөздердің түп-төркінін, қолданылу аясын, шыққан тегін көрсететін тиісті грамматикалық, стильдік, этимологиялық белгілер қойылады да, олардың сан алуан мағыналары мен мағыналық реңктері анық, айқын, әрі қысқаша сипаттамалармен түсіндіріледі. Атау сөзге қатысты фразеологиялық тіркестер жүйеленіп, олар да мағыналық жағынан айқындалады. Бұлардың бәрі дерлік халық ауыз адебиетінен, көркем шығармалардан, ғылыми-көпшілік әдебиеттерден, оқу-педагогикалық құралдардан, газет-журналдардан алынған мысалдармен дәлелденіп отырады.
Сөздік негізінен көпшілік қауымға: әдебиетшілер мен журналистерге, ғылым мен мәдениет, оқу-ағарту, баснасөз қызметкерлеріне, аспиранттар мен студенттерге, мектеп мұғалімдері мен оқушыларына, сондай-ақ, қазақ тілін өздігінен оқып-үйренушілер мен зерттеушілерге арналады.