Бұл кітаптың авторы - Қазиұлы Қани Тоқсанбаев - қазақстандық. Руы орта жүздің ішіндегі самай. Ата қонысы, өзінің кіндік кесіп, туған Жарқын ауылы Солтүстік Қазақстан облысы, Преснов ауданында. Қани ақсақал қатарынан қалмай жоғары оқу орнын Алматыда бастап, Ресейде — Тюмень қаласында бітірген.
Атының өзі айтып тұрғандай, жинақтан жасы сексеннің сеңгіріне шыққан кісінің қызық-қуанышын, бастан кешкен оқиғаларын, жүрегін селт еткізген жақсы жандар жөніндегі жазбаларын, ықылас-лебіздерін, берген баталары мен нақыл сөздерін молынан ұшыратасыз. Қысқасы, ойсыз дүние емес.
Кітап көпшілік оқырманға арналған.