Кітапта Отан соғысына қатысқан майдангер әкелеріміздің қанды қасапта жүрсе де аузынан әзілі түспей табан астында тауып айтқан тапқыр сөздері мен ұтқыр жауаптары, өткір де өнегелі әзіл-қалжыңдары топтастырылған. Сонымен қатар бұл жинақта сол бір қасіретті жылдардың қас-қағым сәттік езу жиғызарлық оқиғалары мен майдан даласының тыныс-тіршілігін, ерекше жайттарды, қазақи болмыс пен ұлтымыздың биік өресін көрсететін шағын әңгіме, аңыз-оқиға, өлең-жырлар және аса сирек кездесетін фотосуреттер топтастырылған.
Сондай-ақ, Отан соғысына бастан-аяқ қатысып, ел ішіндегі бейбіт еңбекке белсене араласа жүріп, соғыс кезінде бастан өткен оқиғалардың әзіл әңгімеге айналдырып, айналасындағыларды күлкіге қарық қылып, майын тамыза әңгімелейтін қарапайым майдангер-ардагерлер аузынан шыққан әңгімелерге де кеңінен орын берілген.
Кітап көпшілік оқырманға арналған, тартымды әрі қызықты оқылады.