Еңбекте Солтүстік - Қазақстан өңірінің тумасы, қазақ халқының ХҮІІ ғ. екінші жартысы мен ХҮІІІ ғ. бірінші жартысында өмір сүрген ақын-жырау, әнші, күйші, сазгер және халық батырларының бірі - Қожаберген жыраудың мұрасы концептуалдық тұрғыдан талданып, шығармаларының лингвостилистикалық сипаты айқындалады. Жыраудың шығармашылық болмысы мен таным деңгейін, суреткерлік шеберлігін танытатын көркемдік тәсілдер нысанға алынады. Монография филология мамандығының студенттері мен магистранттарына, оқытушыларға, жалпы көркем шығарма тілін зерттеуге қызығушылық танытатын ізденушілерге арналады.