Бүкіл ғұмыры гибратқа толы ұстаз-жазушы, шығыстанушы Сейтен Лиманұлы Сауытбеков (1907-1997) артына мол мұра қалдырған адам. Оның «Аютас», «Өс, бөбек!», «Ақазу арлан», «Үлес», «Ақкөңіл», «Өртенген өлең», «Тағылым тегі», «Поэмалар, өсиеттер», «Сары кітап» сияқты туындыларын оқырман қауым жылы қабылдаған. Ол шығармаларына еліміздің белгілі ақын-жазушылары, ғалымдары жоғары баға берген.

Дегенмен, тоқсан жасына дейін қажырлы еңбек еткен абыз жазушының әлі жарияланбаған шығармалары да жеткілікті. Биыл, 2007 жыл, жазушының 100 жылдығына орай оның жеке мұрағатынан бұрын жарық көрмеген поэма, әңгіме, ертегі, мақалаларын топтап, осы кітапты оқырманға ұсынып отырмыз.