Қожаберген Толыбай сыншыұлы (1663—1763) кең-байтақ жерімізді, бытырай қонған елімізді қызғыштай қорғаған атақты батырларымыздың бірі, 1688—1710 жылдары қазақ, ноғай, қарақалпақ халықтарының біріккен жасағына қолбасшылық жасаған ордабасы, ірі тарихи тұлға. Атақты «Жеті жарғы» заңнамасын жазуға қатысқан мемлекет қайраткері. Қазақ халқының ерлігін, елдігін жырлаған ақын-жырау.
Бір өкініштісі, Қожаберген бабамыздың баға жетпес әдеби мұралары толық сақталмады. Сақталғандары осы уақытқа дейін халыққа жетпей, зиялы қауым және ғалымдардың назарынан тыс қалып келді.
Батыр бабамыздың оқырмандарға ұсынылып отырған осы шығармалар жинағы мен зерттеулері оны тереңірек танып-білуге көмектесер деген ойдамыз.