Оқырман - оқушылар, жастар, жас ұстаздар бұл кітаптан өздеріне көптеген деректі мағлұмат алады. Автор - зейнеткер-ұстаз жүрек қалауымен, алланың жазуымен мамандығын қалап алған.
Кітапқа арқау болған автордың өз өмірі, ұстаздық еткен жылдардан түйіндеген ойлары. Әрбір қарапайым пенденің өмір сүрген кезеңдерінде өтелмеген Қарызы мен мойнына жүктеген Парызы болатынын шынайы баяндайды. Ұстаздың бет-бейнесі, киім киісі, жүріс-тұрысы, жанжақтылығы, өз басының тәрбиелілігі - балаға, оқушыға үлгі-өнеге екендігін өте жақсы ашқан. Жастар тәрбиесінде - Шаңырақтың, Отағасының, Отанасының, Ата мен Әженің, Ауылдың, Ұлтжанды тарихи тұлгалардың, қазіргі заманауи қоғам қайраткерлерінің өмір жолдарының, экологиялық мәдениеттің, Қазақ елінің, Ана тілінің орны ерекше екендігін ашық, айқын көрсеткен. Жастар тәрбиесін автор дәл бүгін ең өзекті, ең маңызды мәселе ретінде көтерген. Автор ұлттық мектептің ұлтжанды ұстазы.