Сегіз сері (Мұхаммед-Қанафия) Баһрамұлы Шақшақовтың өмірі мен шығармашылығына арналған бұл еңбек қазақтың дарынды ақын-композиторы жайлы көп жылдық зерттеулер мен деректі мәліметтер негізінде жазылған. Ел ішінде Сегіз серінің өмірі мен музыкалық мұрасы жайлы пікір әрқилы. Сондықтан бұл кітапта мұрағаттық деректер, қисынды дәйектер, соны ой-пікірлер қамтылып, тың мағлұматтар келтірілген. Ақын-сазгердің осыған дейін халық әні санатында орындалып келген мәлім де беймәлім әндеріне терең талдау жасалып, қысқаша тарихтары баяндалып, оларға ғылыми түсінік берілген.Жинақ сал-серілік дәстүрдің өркендеуіне өлшеусіз еңбек сіңірген дарынды, сегіз қырлы, бір сырлы Мұхаммед-Қанафиядай өнерпаз ба-бамыздың жанын түсініп, қадіріне жетсек деген өнерсүйер қауымға арналған.