Еңсем де көтеріліп елмен бірге,

Кеңейіп келе жатыр көкжиегім, —

деп өзі жырлағандай, өмірінің соңғы жылдарында өндірте жазып, ақтық демі біткенше шабыт пырағынан түспей өткен көрнекті шайырдың бұл жинағына тумысы көкейкесті төл туындылары және ЕСЛӘМ есімді Ел Ақынының азаматтық-адамгершілік һәм шығармашылық келбеті жайында қаламдастары мен замандастарының естелік-эсселері, толғаныс-толғамдары топтастырылған. Ол адалдықты ақтарыла жырлаған Ар мен Ақиқат жаршысы еді. Көсемсөз һәм әдеби көркем сын салаларында да көп тірлік тындарған көшелі қайраткер еді. Кісілік пен кішілікті ғана ардақтаған кішіпейіл Жүрек еді... Осы қасиеттерге ұсынылып отырған кітаптағы өз туындыларынан да, әріптес аға-інілері лебіздерінен де көңіл көзін жеткізуге болады.