Филология ғылымының кандидаты Төлеш Сүлейменовтің көпшілік оқырмандарға ұсынған бұл кітабы қастерлі есімі уақыт тезі, замана талқысымен қатпарлы жылдар сағымына оранып, аумалы-төкпелі кезеңдер дүрбелеңінде жұртымыздың зердесінде көмескі тартып, ұмтыла жаздаған, халқымыздың тарихы мен өнерінде ойып алар орны бар ақын, композитор, әнші, ел қорғаны — батыр, нағыз біртуар тұлға Сегіз сері (Мұхамедқанапия) Баһрамұлы Шақшақовтың тағлымды өмірі мен толымды творчествосы туралы мол мағылұматтар береді. Бұл деректі шы-ғарма Сегіз сері жайлы жазылған бірден-бір көлемді ғұмырнамалық туынды. Автор бұл еңбегінде халқымыздың асыл ұлының асқақ бейнесін әр қырынан сомдап, жұртшылық санасында қайта жаңғыртуды мақсат тұтқан. Кітапта берілген деректер мен баяндалған оқиғалар қызықты. Кі-тап тартымды, жеңіл оқылады.