Николай  Сыщенко

 1923  жылы  қазіргі  Ғ.Мүсірепов  атындағы ауданның  Рузаевка ауылында  туған.
  1942 жылы ол Белоруссия майданындағы 50-ші армияның, одан кейін 49-шы    армияның құрамында минометші болды.
  1944 жылдың 25-28 маусымында сержант Сыщенконың расчеті Днепрден өту және Могилев қаласын азат ету кезінде жаудың танкіге қарсы зеңбірегін, бес пулеметін, екі қадағалау пунктін, оннан астам фашистіжойып жіберді.
 1944 жылдың 26 тамызында ушінші дәрежелі Даңқ орденін алды.
 1945 жылдың 21-23 қаңтарында аға сержант Н.Сыщенко Польшадағы Прусколенко елді мекенінің тубінде екі пулеметтің үнін өшіріп, оқ-дәрі тиеген үш керуенді және көптеген жаяу әскерлерді отқа орады. Сол жолы екінші дәрежелі Даңқ орденімен марапатталды.

 1945 жылдың 20 наурызында Польшадағы Данциг қаласының түбінде ол бес пулеметті және бірнеше фашисті жойып жіберді.
 1946 жылдың 15 мамырында бірінші дәрежелі Даңқ орденін омырауына тақты.
1946 жылы елге оралып, Щучинск қаласында еңбек етті. Ол 1979 жылы 10 наурызда қайтыс болды.

(‘‘Солтүстікқазақстандықтар Ұлы Отан соғысы жылдарында” кітабынан алынды).

// Солтүстік Қазақстан. – 2015. – 28 сәуір. – 7 бет.